Subscribe Twitter

2008/09/29

أعرف حجم معلوماتك قبل أن تتحدث


السلام عليكم.....

احنا كلنا بنكتب وبنتكلم وبناقش كذا موضوع بس انا عاوزه اسال سؤال هل احنا فعلا عندنا الثقافه اللى تخلى عندنا الجراءه اننا نتكلم فى المواضيع ..أعتقد انكم مش فاهمنى هاوضح أكتر

فى الفتره الاخيره ناس كتير اتكلموا عن الملك فاروق على أساس انه ضحيه وان جمال عبد الناصر مفترى وظالم وخصوصا بعد عرض مسلسل الملك فاروق طب بذمتكم ده كلام يعقل؟ بقى جمال عبد الناصر صاحب اكبر جنازه فى العالم واللى مشي فيها أكتر من 4مليون شخص واللى جاتله ازمه قلبيه بعد مؤتمر الصلح بين الأردن وفلسطين ظالم ومفترى ؟ والملك فاروق واللى مات مخمورا وعلى طاولة عشاء وبصحبه مطربه الاوبرا إيرما كابوتشي ضحيه؟

بلاش كده..حسين فهمى مثلا لما اتكلم عن الحجاب ووصف المرأه المحجبه على أنها امرأه معاقه ومتخلفه يعرف ايه هو عن الحجاب عشان يتكلم عنه؟

هاله سرحان لما تتكلم عن السياسه والدين تعرف ايه عنهم ؟

لما وزير مرموق يطالب بإلغاء الحجاب يعرف ايه عن الدين؟

والأمثله كتيره واللى توضح قد ايه الانسان المصري بيحب الفهلوه ويعمل نفسه عارف كل حاجه وهسألكم سؤال كم واحد فينا أى حاجه باظت أو عطلت وحب يصلحها وعمل نفسه بيفهم فيها وبوظها أكتر وماعرفش يصلحها؟؟؟

احنا لو كل واحد اتكلم فى اللى يفهم فيه مش هتحصل مشكله مثلا يعنى لو اقتصرت الفتاوى الدينيه على المشايخ المتخصصين فقط كنا عمرنا ماهنسمع عن فتوى زى بول الرسول مثلا أو إرضاع الكبير وفتاوى أخرى والتى ساهمت فى سخريه الغرب واللى هما أصلا ومن غير حاجه بيتريقوا علينا أرجو ان مايكونش كلامى ضايق حد ولو فى حد عنده اى اعتراض ياريت يرد عليا...

3 قول رأيك فى اللى قريته:

توت عنخ امون يقول...

فعلا والله
تقريبا ماشين على مبدا خالف تعرف
الدين والفتاوى ليها متخصصين
ومايصحش ابدا اى واحد يتكلم كدا والمصيبه الاكبر الفتاوى
هما مش عارفين ان الرسول صلى الله عليه وسلم بس مش فاكره اوى الحديث علشان ماكنش حرفت فيما معنى الحديث من كذب على فاليتبوء مقعد من النار
وهاله سرحان وايناس الدغيدى اللى بيقولوا المراه المحجبه متخلفه
على اساس ايه اصلا بيفتوا ويتكلموا
الله يهدينا ويهديهم
تقبل مرورى

the red devil يقول...

عندك حق والله دلوقتى كل واحد بيطلع يقول اى كلمه تيجى على دماغه فى ساعه صفا من غير ما يفكرفيها
ومحدش يقدر يعترض على الى انت بتقوله

style_boy يقول...

حق والله الى قلتى عليه بجد المضوع دا مش مقتصر بس على الشخصيات الهبلة الى عاملين نفسهم نجوم دول ..
نفسى اسال حد على حاجة ويقولى "" أنا اسف معرفش"" والله هحترمه لانه بيقدر نفسه ويتكلم على قد مايعرف.
انما بقا بتخنق ومبحترمش الى يحسسك انه فاهم اوى وملوش حل وهوا جااااااااهل جدا وببقى من جوايا بضحك عليه ومخنوق من كلامه ...
بس عايز اقولك حاجة هوا مين الى سمح لشخصيات زى الناس الى قلتى عليهم انهم يتكلمو فى حاجة زى دى؟؟ ... طبعا هتردوا عليا وتقولولى الخبؤات الكبار الى مبيحترموش ديننا ولا ماشيين عليه وللاسف هما الى متحكمين فى الناس
بس يقولك ايه وطى ياض وعديها لان المعلمة (مريكا) عايزة كدا ....انما احنا لو عندنا اصلا رجالة فى البلد دى (من الى ليهم الكلمة و التحكم ) السادة المسئولين زى بتوع الازهر ولا الرقابة على الازاعة الى المفروض كحكومة مسلمة تعترض وتشجب الكلام دا هتقولولى دول فى فضائيات ؟ هقولكم بس حتى تعمل اى منكش ولا ترفضهم يدخلو البلد لحد مايغيروا رايهم برده على الفضئيات لان دى كدولة مسلمة المفروض تعمل كدا .
انما ماشيين بمدأ (((عايزين ناكل عيش ))) والكبار عايزين كدا واوامر عليا هاهاها
عليا من مين ولا هيكونوا مثلا اعلى من الى خلقهم الى قادر يخسف بيهم الارض فى لحظة
ربنا يرحمنا بقا وياخد التعبانين فى البلد دى علشان يريحهم او يحرق الى قلنا عليهم علشان نرتاح

اسف على الاطالة ......وتقبلى مرورى اختى العزيزة