Subscribe Twitter

2008/12/11

هزى يا نواعم 2


أخيرا انتهت المسخره اليوم . انتهى برنامج هزى يا نواعم بفوز المتسابقه اللبنانيه - ماجالى - بجائزة البرنامج والتى هى عبارة عن تمثال ذهبى على هيئة راقصه بالإضافه إلى 50000 دولار كانت الحلقه مسخره بالفعل من كل النواحى كانوا 4 فتيات ماجالى والينور من لبنان ومنى من سوريا وليزا من البرازيل وانسحبت منى قبل النهائى بساعات قليله لتتبق كل من الينور وماجالى وليزا .

كان الإختبار اليوم عبارة عن قسمين القسم الأول رقص منفرد على الطبله ثم القسم الثانى وهو مبارة بين الثلاث راقصات بأن يقوموا بالرقص فى نفس اللحظه وعلى نفس اللحن والأغنيه . تبارت اولا ليز مع الينور_ ثم الينور وماجالى _ ثم ماجالى وليز والطريف تعليق اللجنه التحكيميه عليهم وخصوصا تعليق السيده نادره على ماجالى بأن الملائكه تبتسم الأن لها بعد إنتهاء وصلتها وبعد فوزها قالت أن ليست الملائكه فقط بل والنجوم ايضا تبتسم لمجالى .

الحقيقه حاجه تقرف... من اول منظر الفتيات فى بدل الرقص وهم من كل الجنسيات لبنان وتونس والجزائر والمغرب ومصر والبرازيل وروسيا وفرنسا واستونيا والمجر الحقيقه ونعم الشباب.........

والجميل برضه انهم عاملين لجنه تحكيميه عشان تختار احسن رقاصه وتعلق رقصها دى تقول عاوزاكى تحركى دراعك شويه واللى تقول ابتسمى اكتر والست نجوى فؤاد تقول لواحده عاوزاكى تبقى بجحه اكتر فى الرقص ... حقيقى حاجه جميله اوى

واللى يضحك اوى اوى الجائزه اللى هيا عبارة عن خمسين الف دولار ياااااااااااااه ده انا لما حبيت اشتغل بعد ما اتخرجت لقيت انى لو اشتغلت بمؤهلى الدراسي اعلى مرتب هاخده هو 120 جنيه يعنى اقل من اغنية ابو جريشه _145 جنيه_ الحقيقه الواحد مش عارف يقول ايه غير حسبى الله ونعم الوكيل........

1 قول رأيك فى اللى قريته:

MeDo EgypT يقول...

هههههههههه
بجد توبيك هايل تسلم ايدك
وربنا يوفقك