Subscribe Twitter

2010/04/19

ما ذا لو ؟



كلنا شايفين الجولات المفاجئه الحاليه لوزير التعليم فى جميع مدارس الجمهوريه .. وكل اللى ليه قرايب مدرسين أو إداريين فى أى مدرسه يقدر يحس منهم إزاى كلهم على قدم وساق زى مابيقولوا لأن كل المدارس خايفه ان الزياره الجايه تكون ليها هيا ... وفى الوقت اللى الكل فيه بيتكلم عن الموضوع ده خطر لى سؤال وهو :
ماذا لو قام وزير التعليم العالى بجولات مفاجئه فى جامعات مصر الحكوميه ؟
تفتكر هيشوف إيه ؟ وإيه هيكون رد فعله ؟ ورد فعل الموجودين بالكليه هيكون إيه ؟
تخيل لو روحت النهارده كليتك لقيت وزير التعليم العالى فيها ؟
ياترى إيه اللى هيحصل ؟
كلنا عارفين أن دكتور أو أستاذ الجامعه دايما بيحس إن محدش أعلى منه وانه غير مراقب فى أشياء كثيره لا داع لذكرها الأن .. ماذا لو شعر الأستاذ الجامعى أنه تحت طائلة الوزير ؟ وإذا أخطأ ستتم محاسبته ؟
كلنا برضه عارفين إن فى مدرجات كتيره مافيهاش مايك ولسه بتستخدم السبوره والطباشير وساعات مش بنلاقى طباشير اصلا .. تفتكر لو جه الوزير وشاف الوضع ده هيبقى ايه رد فعله ؟
انا نشرت قبل كده صوره من داخل كليه الحقوق كان فيها الدكتور شايل ابنه وهو بيشرح وبيكتب بالطباشير على السبوره تفتكر لو الوزير دخل فجاه المدرج هيعمل إيه ؟
لو جه الوزير وشاف مثلا دورات المياه الخاصه بالطلبه والغير أدميه إطلاقا .. هيعمل إيه ؟
ده كان سؤالى ...... ومستنيه تعليقاتكم

0 قول رأيك فى اللى قريته: