Subscribe Twitter

2010/05/16

هام جدا



فكرة التوبيك ده جتلى فى يوم من الأيام وانا فى محاضره فى الكليه بدأت الدكتوره المحاضره بأنها بتقولنا فى جروب عالفيس لواحد مسمى نفسه ( الله ) وانهم اتكلموا فى برنامج البيت بيتك عن الموضوع ده وعاوزين مليون توقيع عشان الفيس يقفل الصفحه دى وإن اللى عاوز اللينك ياخده منها بعد المحاضره وان اللينك ده قالوه فى البيت بيتك .. انا لقيت نفسي برفع إيدى عشان أعلق على كلام الدكتوره وأقولها طب ماهو يا دكتوره إحنا كده عملنا اللى هو عاوزه ونشرنا صفحته .. لما يتقال اللينك فى برنامج مشهور زى البيت بيتك ماحنا كده نشرنا الصفحه بالإضافه إلى إن أى حد ممكن ياخده الفضول ويدخل الصفحه ويشوف مين ده وأكيد كتير اللى هيعملوا كده ومن المعروف إن كل ما زاد عدد زوار الصفحه زاد عدد وجودها فى محركات البحث وزاد عدد وجودها فى ترشيحات الفيس اللى بتبقى فى جمب الصفحه وده اللى حصل فعلا حيث تضاعف عدد زوار الصفحه ..
الدكتوره قالتلى يعنى تشوفى نبيك ودينك بيتشتم وتسكتى ؟
قولتلها وإيه الجديد ، الاسلام بيتشتم فى كل حياتنا مش على النت بس ولا من الاجانب وبس ماهو بيتشتم فى إعلامنا وحياتنا وأى بنت محجبه مش منقبه كمان بيتبصلها نظره إحتقار وتخلف زى الوزير المشهور اللى قال كلمته المشهوره عن الحجاب وزى حسين فهمى اللى قال ان المرأه المحجبه متخلفه . ودلوقتى أى واحد مطول دقنه يبقى إنسان جاهل ..
قالتلى طب وانتى من رايك تردى ازاى على اللى بيهاجموا دينك ؟
قولتلها انا لما حد بيشتمنى يا إما بأواجهه بغلطه يا إما أعرض عنه يا إما هقف أشتمه انا كمان وساعتها هو مش هيسكت هيشتم تانى وتالت وهو ده اللى بيحصل بالظبط بالنسبه للدين . يعنى لو مثلا لو المليون دول اللى هيدخلوا الصفحه هما فاكرين يعنى بكليك الماوس انهم كده نصروا الدين ؟ ولا الاحسن لو 1 منهم عمل موقع بالإنجليزى عن الإسلام ويكون الموقع موجه للأجانب ؟
وإنى أنصر الإسلام فى حياتى أنا الشخصيه بإنى أراعى ربنا فى شغلى ودراستى وحياتى ويبقى ربنا أودامى فى كل وقت ...
إنتهى الحوار بينى وبين الدكتوره بدون نتيجه .. وأترك لكم الحكم .. ولكن قبل أن تصدروا حكمكم أدعوكم لمشاهدة هذا الفيديو ثم الرد على التوبيك

http://www.facebook.com/video/video.php?v=103649842999920

0 قول رأيك فى اللى قريته: