Subscribe Twitter

2010/10/04

قفانا العريض

ازاى شخص تونسي تجيله الجراءه والبجاحه أنه يمد إيده بالضرب على مواطن مصري فى مصر ، لا وإيه فى إستاد القاهره وأودام 100 ألف شخص فى الإستاد ، وده غير اللى بره الإستاد اللى شافو اللى حصل على الفضائيات ، من مصر ومن خارج مصر ، ماهى الفضيحه كانت... على عينك ياتاجر ، انا اللى مجننى الراجل ده جاب الشجاعه دى منين ؟؟ ، دول كانوا بيضربوا عمال الإستاد ، وده اصلا ماكنش ضرب ده كان إنتقام ، بيضرب وعارف أنه مش هيجراله حاجه أو حتى لو جراله كفايه أنه ضرب مصري حتى الموت ، إيه الناس دى ؟ وإزاى بقينا عادى أوى إننا نتضرب فى بلدنا أو خارجها ، هو قفانا عريض للدرجه دى ومغري للضرب ؟؟ ، أنا نفسي أفهم التونسيين دول جابوا الشجاعه دى منين ؟؟ سيبكم من الكوره والماتش انا فى اللى اتضربوا دول واودام الكاميرات ، والأمن واقف مش عارفه واقف بيعمل إيه ؟ واللى إتضربوا دول إزاى الواحد فيهم هيرجع يبص فى وش مراته أو بنته أو إبنه ؟؟ مية سؤال ومش لاقيالهم إجابه .. حد يرد عليا يا جماعة

1 قول رأيك فى اللى قريته:

غير معرف يقول...

أم الدنيا ... قفاها عريض
بقينا مع أجدادنا طرفى نقيض
كانوا أصل الحضارة ..
وأحنا ..... فى الحضيض
كفاية كدة ...