Subscribe Twitter

2011/03/06

ولاد التيييييييييت


طبعا اكيد كلنا فاكرين الصوره دى ، بس انا برضه عاوزه افكركوا ، دى الصورة اللى قالت وزارة الداخليه انها تمكنت عن طريق إستخدام أحدث التقنيات فى تجميع صورة لشخص يشتبه أنه من قام بتفجير كنيسة القديسين ، وتم نشر الصوره بجميع الجرائد المصريه وبجميع برامج التوك شو مع مناشده من وزارة الداخليه للمواطنين بالإدلاء عن أية معلومات عن صاحب هذه الصوره ...

وبعدها نقرأ خبر يقول : وصف موقع عنيان مركازي الاخباري الإسرائيلي توزيع وزارة الداخلية المصرية مؤخرا لصورة المشتبه فيه بتفجير كنيسة القديسين بأنه دليلا على "فشل" الشرطة المصرية في تحديد هوية القائمين بهذا العمل الإرهابي
لكى نقتنع أن اسرائيل هى المدبره للحادث وخاصة تزامن ذلك التفجير مع خبر القبض على شبكة تجسس إسرائيليه ......

معلش فى الكلمه ( كانوا بيشقطونا لبعض ) ولا كأن الشعب كوره وبيلعبوا بيها برجليهم ، بيعيشونا فى وهم ويشغلونا بحاجات وقت ماهما عاوزين عشان دايما نحس ان حياتنا فى خطر ومانحلمش ولا نفكر ...

وانا قولتها قبل كدا وبكررها تانى : عادة الإعلام المصري والمسئولين المصريين هو التشويش والتعتيم على الكوارث ( زى ماقالو ان شهيد بورسعيد اللى قتله حرس الرئيس انه كان ماسك سكينه وهو كان ماسك فى ايده شكوى ) ( وزى ماقالو ان ضحايا قطر الصعيد كانوا 300 وهما كانوا 2000 ) . يبقى بالعقل ولو هما عاوزين الخير للبلد ليه تم تناقل الخبر على هذه الصوره ( تفجير بكنيسة القديسين فى ليلة الميلاد ) ؟؟ تخيل انت شعور الشخص المسيحى عند سماعه لهذا الخبر ؟؟؟ ، تخيل الوضع معكوس ( تفجير بمسجد فى صلاة العيد ) ؟؟ ماذا سيكون شعورك ؟؟ ، ثم يطالبونا بعد ذلك بالتحلى بالهدوء وضبط النفس ( على طريقة إحنا جايين نهدى النفوس !! )



وعلى الرغم من وجود مسجد أمام الكنيسه ووجود شهداء مسلمين إلا وتم نقل الخبر ( تفجير بكنيسة القيسين ) لما لم يقال مثلا : تفجير بالإسكندريه ؟ ، تفجير بحى كذا بالإسكندريه ؟؟
، لماذا عرفت الحادثه إعلاميا بهذا الإسم ؟؟

ملحوظه : لم تحدث تفجيرات بكنائس مصريه سوى بعهد العادلى !!

0 قول رأيك فى اللى قريته: